காசி தமிழ் சங்கமத்தின் மூன்றாம் பதிப்பு, நேற்று முன்தினம் துவங்கியது. உத்திரபிரதேசத்தின் வாரணாசியில், 10 நாட்கள் நடக்கும் இந்நிகழ்ச்சிக்கு செல்ல, கோவை - பனாரஸ் இடையே சிறப்பு ரயில் இயக்கப்படுகிறது.

அதன்படி, கோவை - பனாரஸ்(06187) சிறப்பு ரயில், கோவையிலிருந்து நேற்று காலை 6:35 மணிக்கு புறப்பட்டது. சிறப்பு ரயில், நாளை காலை 7:15 மணிக்கு பனாரஸ் சென்றடையும். கோவையிலிருந்து நேற்று புறப்பட்ட ரயிலில், 91 பயணிகள் மகிழ்ச்சியுடன் புறப்பட்டனர். சேலம் கோட்ட உதவி ரயில்வே மேலாளர் சிவலிங்கம், கொடி அசைத்து ரயிலை துவக்கி வைத்தார். கோவை ரயில்வே ஸ்டேஷன் இயக்குனர் சச்சின்குமார் உள்ளிட்டோர் பங்கேற்றனர்.