உ.பி.,யில் கும்பமேளா வரும், 13 முதல் பிப்., 26 வரை நடக்க உள்ளது. இதை முன்னிட்டு பொதுமக்களின் வசதிக்காக, சிறப்பு ரயில்களை ரயில்வே நிர்வாகம், தொடர்ந்து அறிவித்து வருகிறது.

இந்நிலையில், கோவை, திருப்பூர், ஈரோடு, சேலம் வழியாக, திருவனந்தபுரம் - கயா இடையே சிறப்பு ரயில் இயக்கப்படும் என அறிவிக்கப்பட்டுள்ளது.

அதன்படி, திருவனந்தபுரம் வடக்கு - கயா(06021) சிறப்பு ரயில், நாளை, 21, பிப்., 4 ம் தேதிகளில், செவ்வாய் மதியம், 2:00 மணிக்கு திருவனந்தபுரத்தில் புறப்பட்டு, கயாவுக்கு வெள்ளிக்கிழமை நள்ளிரவு, 1:30 மணிக்கு சென்றடையும்.

மறுமார்க்கத்தில், கயா - திருவனந்தபுரம் வடக்கு(06022) சிறப்பு ரயில் வரும், 10, 24 மற்றும் பிப்., 7 ம் தேதிகளில், வெள்ளிக்கிழமைகளில் இரவு, 11:55 மணிக்கு கயாவில் புறப்பட்டு திங்கள் காலை, 10:15 மணிக்கு திருவனந்தபுரம் சென்றடையும்.