சோமனூர் - சேடபாளையம் ரோட்டில் உள்ள ஸ்ரீ ராமலிங்க சவுடேஸ்வரி அம்மன் கோவில் பிரசித்தி பெற்றது. இங்கு ஆண்டு விழா பூஜை, விநாயகர் வழிபாட்டுடன் துவங்கியது. தொடர்ந்து கணபதி ஹோமம், மூல மந்திர மாலா ஹோமம் நடந்தது. ருத்ர ஹோமம், சுதர்சன ஹோமம் பூர்ணாஹுதி, தீபாராதனை நடந்தது.

ஷோடச அபிஷேகம், 108 சங்கு அபிஷேகம், புனித நீர் கலச அபிஷேகம் நடந்தது. அலங்காரத்துக்குப்பின் மகா தீபாராதனை நடந்தது.சிறப்பு அலங்காரத்தில் அம்மன் பக்தர்களுக்கு அருள்பாலித்தார். சுற்றுவட்டாரத்தை சேர்ந்த ஏராளமான பக்தர்கள் பங்கேற்று வழிபட்டனர். பிரசாதம் மற்றும் அன்னதானம் வழங்கப்பட்டது.