இதில், எட்டு பள்ளி அணிகள் பங்கேற்றன. 'லீக்' போட்டியின் முடிவில், நான்கு அணிகள், அரையிறுதி போட்டிக்கு முன்னேறின. முதலாவது அரையிறுதி போட்டியில், தஞ்சை செயின்ட் ஆண்டனி மேல்நிலைப்பள்ளி அணியினர், நம்பியூர் குமுதா மெட்ரிக் பள்ளி அணியினரை, 3:2 என்ற செட்களில் வென்றனர். இரண்டாவது அரையிறுதி போட்டியில் திருநெல்வேலி அப்துல்ரகுமான் மேல்நிலைப்பள்ளி அணியினர், துாத்துக்குடி போப் மேல்நிலைப்பள்ளி அணியினரை, 3:1 என்ற செட்களில் வென்றனர்.

இறுதி போட்டியில் தஞ்சாவூர் செயின்ட் ஆண்டனி மேல்நிலைப்பள்ளி அணியினர், 3:2 என்ற செட்களில் நெல்லை அப்துல் ரகுமான் மேல்நிலைப்பள்ளி அணியை வென்று சாம்பியன் பட்டம் வென்றனர்.

இரண்டாமிடத்தை, அப்துல் ரகுமான் பள்ளி பெற்றது. மூன்றாம், நான்காமிடத்துக்கான போட்டியில், நம்பியூர் குமுதா பள்ளி, 3:1 என்ற செட்களில், துாத்துக்குடி போப் பள்ளி அணியினரை வென்றனர்.

பரிசளிப்பு விழாவில், கல்லுாரி தலைவர் வெங்கடேஷ், கோமங்கலம் போலீஸ் இன்ஸ்பெக்டர் கோவர்த்தனாம்பிகை, கல்லுாரி துணை முதல்வர் பாரதி, தமிழ்நாடு வாலிபால் சங்க இணை செயலாளர் செல்லமுத்து பங்கேற்றனர்.