தொண்டாமுத்தூர்: பேரூர், சிறுவாணி மெயின்ரோட்டை சேர்ந்த சரவணன் என்பவரது மகன் பிரவீன்,15. கோவைபுதூரில் உள்ள தனியார் பள்ளியில், பத்தாம் வகுப்பு படித்து வந்தார். நேற்றுமுன்தினம் இரவு, பிரவீன் தனது நண்பரான மணிகண்டன்,19 என்பவருடன், பைக்கில் மாதம்பட்டியில் உள்ள பேக்கரிக்கு, சென்று கொண்டிருந்தனர். மணிகண்டன் பைக்கை ஓட்டிச் செல்ல, பிரவீன் பின்னால் அமர்ந்திருந்தார். இருவரும் ஹெல்மெட் அணியவில்லை.