தடகளம், நீச்சல், செஸ், பாடல் என கலை, விளையாட்டு போட்டிகளில் தேசிய, மாநில அளவில் வெற்றி பெற்ற பார்வைத்திறன் குறைபாடுடைய மாணவர்களை பாராட்டி விருது வழங்கப்பட்டது. மாணவி ரேஷ்மி ஜானு, புரோகிதா ஸ்ரீ, நிஷா மற்றும் மாணவர்கள் சஞ்சித், தர்ஷன் ஆகியோருக்கு கல்வி சுடர் விருது வழங்கி கவுரவிக்கப்பட்டது.

மாணவர்களை சிறப்பாக வழிநடத்திய ஆசிரியர்கள் லுாசியா, புவனா, உமாராணி ஆகியோருக்கு, தியாகச்செம்மல் விருது வழங்கப்பட்டது. இன்றைய மாணவர்களை சாதனையாளர்களாக மாற்றுவது 'குடும்ப சூழலா? சுமூக குழலா?' என்ற தலைப்பில் சிறப்புப் பட்டிமன்றம் நடந்தது.

கல்லுாரி முதல்வர் சுப்பிரமணி, மேலாண்மைத்துறை இயக்குனர் முத்துக்குமார், ஸ்ரீ கவிதாலயா பவுண்டேசன் நிறுவனர் கவிதா, பேராசிரியர்கள், மாணவர்கள் 750க்கும் மேற்பட்டோர் பங்கேற்றனர்.