தமிழ்நாடு சைக்கிளிங் அசோசியேசன் மற்றும் கோயம்புத்துார் சைக்கிளிங் அசோசியேசன் சார்பில், எட்டு முதல், 18 வயது வரை உள்ள ஆண், பெண் குழந்தைகளுக்கான சைக்கிளிங் பயிற்சி முகாம், கோவைப்புதுார் சி.பி.எம்., கல்லுாரி அருகே நடக்கிறது.

வரும், 4 முதல், 18ம் தேதி வரை, 15 நாட்களுக்கு நடக்கும் இப்பயிற்சி முகாமில் பங்கேற்க விரும்புவோர், சைக்கிள், ஹெல்மெட் கொண்டு வர வேண்டும். காலை, 6:30 முதல் பயிற்சி வழங்கப்படுகிறது. முகாமில் தேர்ச்சி பெறும் மாணவ, மாணவியர், மாவட்ட, மாநில மற்றும் தேசிய அளவிலான சைக்கிள் போட்டிகளுக்கு தயார் செய்யப்படுவர்.

இதில், 8 முதல், 18 வயது வரை உள்ள மாணவ, மாணவியர் பங்கேற்கலாம்; அனுமதி இலவசம். விபரங்களுக்கு, 98947 89892, 95970 45393 ஆகிய எண்களில் தொடர்பு கொள்ளலாம், என, மாவட்ட சைக்கிளிங் சங்க நிர்வாகிகள் தெரிவித்தனர்.