கோவை மாவட்ட கால்பந்து சங்கம் சார்பில், மாவட்ட அளவிலான கால்பந்து லீக் போட்டி, நவக்கரை ஏ.ஜே.கே., கலை அறிவியல் கல்லுாரியில் நடக்கிறது.நேற்று முன்தினம் மாலை நடந்த போட்டியில் கே.ஆர்.சி., எப்.சி., அணி 1 - 0 என்ற கோல் கணக்கில், ஏ.ஜே.கே., கலை அறிவியில் எப்.சி., அணியை வீழ்த்தியது. மாஷா, 56வது நிமிடத்தில் கோல் அடித்தார்.

மற்றொரு போட்டியில், ஏ.ஜே.கே., ஸ்ட்ரைக்கர்ஸ் அணி 6 - 0 என்ற கோல் கணக்கில், ராயல் எப்.சி., அணியை வீழ்த்தியது. ஏ.ஜே.கே., அணிக்காக சமீர் மற்றும் அஜய் இரண்டு கோல், சித்தார்த், சல்மான் ஆகியோர் தலா ஒரு கோல் அடித்தனர்.