கிணத்துக்கடவு ஒன்றியத்தில், வரதனுார் ஊராட்சிக்கு உட்பட்டு செங்குட்டைபாளையம் மற்றும் மூட்டாம்பளையம் கிராமங்கள் அமைந்துள்ளது. இங்கு அதிகப்படியான மக்கள் வசித்து வருகின்றனர்.

சுகாதாரம் பேணும் வகையில் வீடுகளில் இருந்து, துாய்மைப் பணியாளர்கள் வாயிலாக குப்பை சேகரம் செய்யப்படுகிறது. இந்நிலையில், 'கோவை ரோட்டரி ஐ கான் நிறுவனம்' மற்றும் சுவாமி சித்பவானந்த மெட்ரிக் பள்ளி சார்பில், 40 லட்சம் ரூபாய் மதிப்பில் குப்பையை வகைப் பிரிக்கும் வளாகம் அமைக்கப்பட்டு, பயன்பாட்டிற்க கொண்டுவரப்பட்டது.

மேலும், 6 லட்சம் ரூபாய் மதிப்பில், 2 பேட்டரி வாகனங்கள், அனைத்து வீடுகளுக்கும், 1,400 எண்ணிக்கையில் பச்சை மற்றும் சிவப்பு நிற பக்கெட்டுகள் வழங்கப்பட்டன. பள்ளித் தாளாளர் சுந்தர்ராஜ், கல்பனாதேவி ஆகியோர் பங்கேற்றனர்.