முதலில் பேட்டிங் செய்த என்.ஐ.ஏ., அணியினர், 29 ஓவரில் அனைத்து விக்கெட்களையும் இழந்து, 91 ரன்கள் எடுத்தது. எதிரணி வீரர் நரசிம்மன் ஆறு விக்கெட்கள் வீழ்த்தினார். அடுத்து விளையாடிய கோவை லெஜண்ட்ஸ் அணியினர், 15.2 ஓவரில், 95 எடுத்து வெற்றி பெற்றனர். வீரர் நவீன், 52 ரன்கள் விளாசினார்.

ஐந்தாவது டிவிஷன் போட்டியில், கோயம்புத்துார் ரெய்டர்ஸ் கிரிக்கெட் கிளப் அகாடமி அணியும், பெனடிக் போர்ஸ் கிரிக்கெட் கிளப் அணியும் மோதின.

முதலில் பேட்டிங் செய்த கோயம்புத்துார் ரெய்டர்ஸ் அணியினர், 37 ஓவரில் அனைத்து விக்கெட்களையும் இழந்து, 134 ரன்கள் எடுத்தனர். வீரர் சையது அன்வர், 36 ரன்கள் எடுத்தார். எதிரணி வீரர்கள் குமரேசன், மணிகண்டன் ஆகியோர் தலா மூன்று விக்கெட்கள் வீழ்த்தினர்.

பெனடிக் போர்ஸ் அணியினரோ, 49.5 ஓவரில், 9 விக்கெட் இழப்புக்கு, 135 ரன்கள் எடுத்து 'திரில்' வெற்றி பெற்றனர். வீரர் மணிகண்டன், 38 ரன்கள் விளாசி அணியின் வெற்றிக்கு வழிவகுத்தார்.