பிரசித்தி பெற்ற குமரன் குன்று கல்யாண சுப்பிரமணியசுவாமி கோயிலில், தைப்பூச தேர்த்திருவிழாவை முன்னிட்டு நேற்று முன்தினம் இரவு பலிபீட பூஜை மற்றும் கலச பூஜை நடந்தது.

நேற்று அதிகாலையில் வேள்வி பூஜை நடந்தது. காலை 6:40 மணிக்கு கொடியேற்றம் நடந்தது. காலை 11:00 மணிக்கு, வள்ளி தெய்வானை சமேதரராக, கல்யாண சுப்பிரமணியசாமி கிரிவலம் வந்து அருள்பாலித்தார். அன்னதானம் வழங்கப்பட்டது.

அறங்காவலர் குழு தலைவர் செல்வகுமார், அறங்காவலர்கள், கட்டளைதாரர்கள் என 1,000க்கும் மேற்பட்டோர் பங்கேற்றனர்.