அதுவும் ரசிப்புணர்வு உள்ளவர்கள், அறைகளில் ஓவியங்கள் இடம்பெற அதிக ஆர்வம் காட்டுவதுண்டு. வீட்டுக்கு வண்ணம் பூசுதல் என்பது சுவர்களுக்கு வெறுமனே நிறம் பூசுவது மட்டுமல்ல; காட்சிப் பூர்வமான, வசீகர தோற்றத்தை அளித்து, நீடித்து இருக்க வேண்டும் என்கிறார் கோவை மாவட்ட அனைத்து கட்டுமான பொறியாளர்கள் சங்க உறுப்பினர் பிரவீன் குமார்.

அவர் நம்மிடம் பகிர்ந்துகொண்டதாவது...

சரியான தயாரிப்பு என்பது தரமான வண்ண பூச்சுப்பணிக்கான முக்கிய அம்சம். சுவரின் மேற்பரப்புகள் சுத்தப்படுத்தப்பட்டு, பழுதுபார்க்கப்பட்டு, பூசுவதற்கு முன் 'பிரைமர்' பூசப்பட வேண்டும். வெளிப்புற பகுதிகளுக்கு, அழுக்கு மற்றும் பூஞ்சையை நீக்க அழுத்திக் கழுவுதல் தேவைப்படும்.

அதாவது, பிளவுகள் அல்லது சேதமடைந்த பகுதிகள் சரிசெய்யப்பட்டு, சமமான பூச்சு பரப்பை உறுதி செய்ய வேண்டும். உள் வண்ண பூச்சுக்கு, சுவர் உரைப்பு, தேய்ந்த இடங்களை நிரப்புதல் மற்றும் பிரைமர் போடுவது பொதுவான தயாரிப்புகளில் அடங்கும்.

நீடித்த தன்மை மற்றும் வசீகரத் தோற்றத்திற்கு சரியான வகை வண்ண பூச்சை தேர்வு செய்வது முக்கியம். பொதுவாக 'லேடெக்ஸ்' மற்றும் எண்ணெய் அடிப்படையிலானவை என, இரண்டு வகை வண்ண பூச்சுகள் உள்ளன. லேடெக்ஸ் வண்ண பூச்சுகள் தண்ணீரில் அடிப்படையாக உள்ளன; வேகமாக உலருகின்றன.

மேலும், குறைவான நச்சுத்தன்மையை கொண்டது. எண்ணெய் அடிப்படையிலான வண்ண பூச்சுகள் மென்மையான வசீகரத் தோற்றத்தை வழங்குகின்றன. ஜன்னல் மற்றும் கேட் உள்ளிட்டவற்றுக்கு சிறந்தவை.

ஒளிர்ந்த தோற்றம் மாசுக்களை எதிர்ப்பதுடன், சுத்தம் செய்ய எளிதானவை. சரியான வண்ண பூச்சு தொழில்நுட்பங்கள் மென்மையான தோற்றத்தை உறுதி செய்கின்றன. பயன்படுத்தப்படும் மேற்பரப்பின் அடிப்படையில் பிரஸ், ரோலர், ஸ்பிரேயர் ஆகியவற்றின் கலவையை பயன்படுத்துவது பணியின் தரத்திற்கு முக்கியமாக இருக்கும். உதாரணத்துக்கு, ரோலர் பெரிதான சுவர் போன்ற மேற்பரப்புகளுக்கு உகந்தவை. இலகு நிறங்கள் அறைகளை விரிவான மற்றும் பிரகாசமான உணர்வை வழங்கும். கருப்புத் தன்மையான நிறங்கள் சூடான, நெருக்கமான சூழலை உருவாக்கும். வெளிப்புறங்களுக்கு நிறத் தேர்வும் சுற்றுப்புறத்துடன் இணைந்ததாக இருத்தல் நன்று.

இவ்வாறு, அவர் கூறினார்.