மறுமலர்ச்சி மக்கள் இயக்க நிறுவன தலைவர் ஈஸ்வரன், 2013ல் வழக்கு தொடர்ந்தார். 2018-ல் ஓராண்டுக்குள் குப்பை கழிவை அகற்ற கோர்ட் உத்தரவு பிறப்பித்தும் நடவடிக்கை இல்லை.

முதல்வர் ஸ்டாலின் இன்று பொள்ளாச்சி, ஆச்சிபட்டியில் நடக்கும் நலத்திட்ட உதவி வழங்கும் நிகழ்ச்சியில் பங்கேற்கிறார். இதற்காக கோவை வரும் முதல்வர், குப்பை கிடங்கை பார்வையிட கோரி, மறுமலர்ச்சி மக்கள் இயக்கம் சார்பில் உண்ணாவிரத போராட்டம் நேற்று நடந்தது.

மாலை, 6:00 மணியை தாண்டியும் உண்ணாவிரதம் தொடர்ந்தது. மதுக்கரை தாலுகா தாசில்தார் சத்யன், மாநகராட்சி துணை கமிஷனர் சிவகுமார், போலீஸ் உதவி கமிஷனர் கரிகால் பாரி சங்கர், உள்ளிட்டோர், ஈஸ்வரனுடன் பேச்சுவார்த்தை நடத்தினர். அமைச்சர் முத்துசாமியிடம் பேசி தீர்வு காணப்படும் என உறுதியளித்ததால், இரவு, 9:00 மணிக்கு உண்ணாவிரதம் வாபஸ் பெறப்பட்டது.