ரோகித்ராயன், பின்னால் அமர்ந்திருக்க, பிரதீப் என்பவர் ஜீப்பை ஓட்டினார். ஜீப் சேத்துமடை ரோடு, அண்ணாநகர் பகுதியில் சென்ற போது, அங்கிருந்த வேகத்தடையில் அதிவேகமாக ஏறி இறங்கியது. இதில், பின்னால் அமர்ந்திருந்த ரோகித்ராயன், நிலை தடுமாறி, ரோட்டில் விழுந்தார்.

தலையில் படுகாயமடைந்த நிலையில், பொள்ளாச்சியில் உள்ள தனியார் மருத்துவமனைக்கு அழைத்துச் செல்லப்பட்டார். டாக்டர் பரிசோதனை செய்ததில், ஏற்கனவே அவர் உயிரிழந்தது தெரியவந்தது. இதுகுறித்து, ஆனைமலை போலீசார் வழக்குப்பதிவு செய்து விசாரிக்கின்றனர்.