மேட்டுப்பாளையம்; காரமடை அரங்கநாதர் கோவிலில் மாசி மகத் தேர்த்திருவிழா மார்ச் 5ம் தேதி இரவு கிராம சாந்தி பூஜையுடன் துவங்க உள்ளது. 6ம் தேதி கொடியேற்றமும், 7ம் தேதி சிம்ம வாகனம், 8ம் தேதி அனுமந்த வாகனம், 9ம் தேதி கருட வாகனத்தில் அரங்கநாத பெருமாள் சுவாமியின் திருவீதி உலா நடைபெற உள்ளது. பத்தாம் தேதி பெட்டத்தம்மன் அழைப்பும், 11ம் தேதி அதிகாலை, 5:30 மணிக்கு திருக்கல்யாண உற்சவமும், அன்று இரவு யானை வாகனத்தில் திருவீதி உலாவும் நடைபெற உள்ளது. 12ம் தேதி அதிகாலை, 5:30 மணிக்கு ஸ்ரீதேவி, பூதேவி சமேதராக அரங்கநாத பெருமாள் தேருக்கு எழுந்தருகிறார். அன்று மாலை, 4:30 மணிக்கு திருத்தேர் வடம் பிடித்தலும், தொடர்ந்து தேரோட்டமும் நடைபெற உள்ளது.