கிணத்துக்கடவு, பெரியார் நகரில் உள்ள பால விநாயகர் கோவிலில், இரண்டாம் ஆண்டு திருக்குட நன்னீராட்டு பெருவிழா வரும் 14ம் தேதி துவங்குகிறது. இதில், காலை 10:00 மணிக்கு, புனித தீர்த்தம் மற்றும் முளைப்பாரி எடுத்து வரப்படுகிறது.

மாலை, 4:00 மணிக்கு, திருவிளக்கு வழிபாடு, மூத்த பிள்ளையார் வழிபாடு, வேள்வி நிறைவு, பேரொளி வழிபாடு, விமான கலசம் நிறுவுதல் நடக்கிறது. மாலை 6:00 மணிக்கு, முதல் கால வேள்வி நடக்கிறது. இரவு 7:30 மணிக்கு, எண்வகை மருந்து சாற்றுதல் நடக்கிறது.

வரும், 15ம் தேதி, காலை 5:00 மணிக்கு, திருப்பள்ளி எழுச்சி, காப்பு அணிவித்தல் நடக்கிறது. காலை 6:00 மணிக்கு, இரண்டாம் கால வேள்வி நடக்கிறது. காலை 7:30 மணிக்கு, அருக்குடங்கள் புறப்பாடு நடக்கிறது.

காலை 8:00 மணிக்கு, விமான கலசம் திருக்குட நன்னீராட்டு பெருவிழாவும், தொடர்ந்து மூலத்திருமேனி நன்னீராட்டு பெருவிழாவும் நடக்கிறது. மூலவருக்கு பெரும் திருமஞ்சனம், அலங்காரம் மற்றும் பேரொளி வழிபாடு போன்ற நிகழ்ச்சிகள் நடக்கிறது.