வால்பாறை நகர், வாழைத்தோட்டம் ஐயப்ப சுவாமி கோவிலின், 66ம் ஆண்டு மண்டல பூஜைத்திருவிழா, கடந்த, 10ம் தேதி மாலை கொடியேற்றத்துடன் துவங்கியது. தொடர்ந்து நடைபெறும் விழாவில் நாள் தோறும் காலை, 5:00 மணிக்கு கணபதி ேஹாமம், 6:00 மணிக்கு அபிேஷக பூஜையும், சிறப்பு அலங்கார பூஜையும் நடைபெறுகிறது. மதியம், 12:00 மணிக்கு உச்சிகால பூஜையும் நடக்கிறது.

நேற்று மாலை, 6:00 மணிக்கு கோவில் வளாகத்தில், ஹிந்து தர்ம சங்கபரிவார் அமைப்பு மற்றும் அனைத்து மகளிர் குழு சார்பில் திருவிளக்கு பூஜை நடைபெற்றது. இதில் பக்தர்கள் திரளாக கலந்து கொண்டு, சுவாமியை வழிபட்டனர்.

இரவு, 7:30 மணிக்கு அலங்கரிக்கப்பட்ட தேரில் ஐயப்பசுவாமி எழுந்தருளி கோவிலை வலம் வந்து பக்தர்களுக்கு அருள்பாலித்தார். இன்று காலை, 5:00 மணிக்கு நடை திறக்கப்பட்டு சிறப்பு பூஜைகள் நடக்கிறது. காலை, 11:00 மணிக்கு பக்தர்களுக்கு பிரசாதம் வழங்கப்படுகிறது. விழாவுக்கான ஏற்பாடுகளை கோவில் நிர்வாகிகள் செய்து வருகின்றனர்.