கடந்த வாரத்தை விட தற்போது தக்காளி (15 கிலோ பெட்டி) - 450, தேங்காய் (ஒன்று) - 2, கத்திரிக்காய் - 10, வெண்டைக்காய் - 25, பாகற்காய் - 13, சுரைக்காய் - 5, பீர்க்கங்காய் - 15, அவரைக்காய் - 30 ரூபாய் விலை குறைந்துள்ளது. மேலும், வெள்ளரிக்காய் மட்டும் 5 ரூபாய் விலை அதிகரித்து காணப்பட்டது.

வியாபாரிகள் கூறியதாவது : ஓணம் பண்டிகையை ஒட்டி காய்கள் வரத்து நேற்று மார்க்கெட்டில் அதிகமாக இருந்தது. வழக்கத்தை விட தக்காளி மட்டும், 20 டன் அளவு வரை அதிகமாக இருந்ததால், விலையும் கடுமையாக குறைந்தது.

இது மட்டுமின்றி, மற்ற காய்கள் வரத்தும் அதிகமாக இருந்ததால் விலை குறைந்து காணப்பட்டது. இதனால் மார்க்கெட்டுக்கு வந்த ஏராளமான விவசாயிகள் ஏமாற்றம் அடைந்தனர். மேலும், வரும் நாட்களில் காய்கள் விலை உயரும் என விவசாயிகள் எதிர்பார்க்கின்றனர்.