குறிப்பாக, பால் பண்ணை, கோழிப்பண்ணை, ஆடு மற்றும் பன்றி வளர்ப்பு, மீன்வளம் மற்றும் இதர கால்நடை தொடர்பான பயிற்சிகள் அளிக்கப்படுகின்றன. இதில், விவசாயிகள், படித்த இளைஞர்கள் கலந்து கொண்டு பயனடையலாம்.

மாதந்தோறும், 20 நாட்களுக்கு, 30 பயனாளிகள் வீதம் 6 மாதங்களுக்கு அளிக்கப்படும் பயிற்சி வகுப்பு, காலை, 8:00 மணி முதல் மாலை, 5:00 மணி வரை நடக்கிறது. இதற்கு, கால்நடைத்துறை வாயிலாக, 6 ஆயிரம் ரூபாய் ஊக்கத் தொகையும் வழங்கப்படுகிறது.

இதில், பொள்ளாச்சி கோட்டத்தில் உள்ள பயனாளிகளும் கலந்து கொண்டு பயன்பெறலாம். அதற்கு, அந்தந்த பகுதியில் உள்ள கால்நடை மருந்தகங்களை அணுகி விபரம் அறிந்து கொள்ளலாம். இந்த தகவலை, கால்நடைத்துறை அதிகாரிகள் தெரிவித்தனர்.