கோவை, பி.எஸ்.ஜி., தொழில்நுட்ப கல்லுாரியின் உடற்கல்வித்துறை சார்பில், '17வது பி.எஸ்.ஜி., கோப்பை'க்கான மாநில அளவில், 'செபக் - தக்ரா' போட்டி, கல்லுாரி மைதானத்தில் நடந்தது. இப்போட்டியில், 17 அணிகள் பங்கேற்று, சீனியர் 'ரெகு', 'சீனியர் குவாட்ரன்ட்' பிரிவுகளில் போட்டியிட்டன.

இதன் 'சீனியர் ரெகு' பிரிவு இறுதிப்போட்டியில் ஆர்23 அணி 2 - 0 என்ற செட் கணக்கில் பைட் கிளப் அணியை வீழ்த்தி முதலிடத்தை பிடித்தது. இதேபோல், சீனியர் குவாட்ரன்ட் பிரிவு இறுதிப்போட்டியில், ஆர்23 அணி 2 - 1 என்ற செட் கணக்கில் பைட் கிளப் அணியை வீழ்த்தி, கோப்பையை வென்றது.

வெற்றி பெற்றவர்களுக்கு, பி.எஸ்.ஜி., தொழில்நுட்ப கல்லுாரியின் முன்னாள் மாணவர்கள் சபரிநாத் தேவராஜன், பரிசுகளை வழங்கினார்.