கிணத்துக்கடவு, அரசம்பாளையத்தில் கோமாரி நோய் தடுப்பூசி முகாம் நடந்தது. இதில் அரசம்பாளையம் மற்றும் சுற்றுவட்டார கிராமப் பகுதியில் உள்ள மக்கள், தங்கள் கால்நடைகளுக்கு தடுப்பூசி செலுத்த அழைத்து வந்தனர்.

முகாமில், 200க்கும் மேற்பட்ட மாடுகளுக்கு, கோமாரி நோய் தடுப்பூசி செலுத்தப்பட்டது. மேலும், 4 முதல் 6 மாத கன்றுகளுக்கு பூஸ்டர் ஊசி செலுத்தப்பட்டது.

முகாமில், நோய் நிகழ்வியல் அலுவலர் (சென்னை) டாக்டர் கனக சுகிலா, கோவை கால்நடை நோய் புலனாய்வுத்துறை உதவி இயக்குனர் கீதா, பனப்பட்டி கால்நடை உதவி மருத்துவர் பரமேஸ்வரன் மற்றும் மருத்துவ உதவியாளர்கள் பங்கேற்றனர்.