இரண்டாம் தேதி காலை இரண்டாம் கால வேள்வி பூஜை நடந்தது. மலர் வழிபாடை அடுத்து, யாக சாலையில் இருந்து தீர்த்த குடங்களை கோவிலை சுற்றி ஊர்வலமாக எடுத்து சென்றனர். விமான கலசத்திற்கும், மூலவர் மீதும் புனித நீர் ஊற்றி கும்பாபிஷேகம் செய்தனர். யாக வேள்வி பூஜைகளையும், கும்பாபிஷேக விழாவையும், ஆலூர் தேசிலிங்கேஸ்வரர் கோவில் அர்ச்சகர் சிவதினேசு, மேட்டுப்பாளையம் சக்தி விநாயகர் கோவில் அர்ச்சகர் ஜோதி வேலவன் ஆகியோர் செய்து இருந்தனர். பக்தர்களுக்கு அன்னதானம் வழங்கப்பட்டது. இதற்கான ஏற்பாடுகளை விழா குழுவினர் செய்திருந்தனர்.