ஆனைமலை; ஆனைமலை அருகே, அனுமதியின்றி கருங்கற்கள் எடுத்துச் சென்ற லாரி மற்றும் டிராக்டரை பறிமுதல் செய்து, கோட்டூர் போலீசார் விசாரிக்கின்றனர். ஆனைமலை அருகே, தளவாய்பாளையம் கிராம நிர்வாக அலுவலர் மாசிலாமணி, தொண்டாமுத்துார் - சமத்துார் ரோட்டில் ஆய்வுக்கு சென்றார். அவ்வழியாக சென்ற லாரி மற்றும் டிராக்டரை கிராம நிர்வாக அலுவலர் சோதனை செய்ததில், அனுமதி இன்றி கற்கள் ஏற்றி வந்தது கண்டறியப்பட்டது.