சிறுவாணி அடிவாரத்தில் உள்ள தொண்டாமுத்தூர் வட்டார பகுதிகளில், நேற்று முன்தினம் மாலை முதல் நேற்று அதிகாலை வரை, இடைவிடாத இடியுடன் கூடிய தொடர் கனமழை பெய்தது.

நேற்றுமுன்தினம் காலை முதல் நேற்று காலை வரை, சிறுவாணி நீர்ப்பிடிப்பு பகுதியில், 4 மி.மீ., மழையும், சிறுவாணி அடிவாரப்பகுதியில், 5 மி.மீ., மழையும், தொண்டாமுத்தூரில், 31 மி.மீ., மழையும் பதிவாகியுள்ளது. மேற்கு தொடர்ச்சி மலையில் சாரல் மலையும், அதன் அடிவார பகுதியான தொண்டாமுத்தூர் வட்டார பகுதிகளில், கனமழையும் பெய்துள்ளதால், நொய்யல் ஆற்றில் நீர்வரத்து அதிகரிக்காமல் உள்ளது. இதனால், வாய்க்கால் மூலம் குளங்களுக்கு நீர் கொண்டு செல்லப்படுகிறது.