பொள்ளாச்சி, ஸ்ரீ கன்னிகா பரமேஸ்வரி அம்மன் கோவிலில் தனுர் மாத கூடாரைவல்லி ஸ்ரீ ஆண்டாள் நாச்சியார் ரெங்கமன்னார் சுவாமி திருக்கல்யாணம் நிகழ்ச்சி, வரும், 11ல் நடக்கிறது. அதன்படி, அன்றைய தினம் காலை, 8:00 மணிக்கு, ரெங்கமன்னார் பல்லக்கு சேவை, கடைவீதி விநாயகர் கோவிலில் இருந்து மாப்பிள்ளை அழைப்பு உள்ளிட்ட நிகழ்ச்சி நடத்தப்படுகிறது.

தொடர்ந்து, காலை, 10:35 மணிக்கு மேல், ஸ்ரீ ஆண்டாள் நாச்சியார், ரெங்கமன்னார் சுவாமி திருக்கல்யாணம் சிறப்பாக நடைபெறவுள்ளது. பக்தர்கள் கலந்து கொள்ள அழைப்பும் விடுக்கப்பட்டுள்ளது. இதற்கான ஏற்பாடுகளை தமிழ்நாடு ஆர்ய வைஸ்ய் மகிளா விபாக், தமிழ்நாடு ஆர்ய வைஸ்ய மகாபா யூத் விங் செய்து வருகிறது.