நெகமம், காட்டம்பட்டி ஊராட்சி காட்டம்பட்டிபுதூர் ஸ்ரீதேவி பூதேவி சமேத கரிவரதராஜ பெருமாள் கோவிலில், 20ம் தேதி சுவாமிக்கு திருக்கல்யாண வைபவம் நடக்கிறது.

காலை, 5:15 மணிக்கு, மங்கள இசை, சுப்ரபாதம், திருப்பள்ளி எழுச்சி, கோ பூஜை போன்றவைகள் நடக்கிறது. காலை 6:00 மணிக்கு, மூலவர் விஸ்வரூப தரிசனம், சுதர்சன ஹோமம், மகாலட்சுமி ஹோமம், அங்குரார்ப்பணம், காலை 8:30 மணிக்கு, பஜனை நடக்கிறது. காலை 10:00 மணிக்கு, மஹா அலங்காரம், விசேஷ ஹோமங்கள் மற்றும் பூர்ணாஹுதி நடக்கிறது.

அதன்பின், காலை, 10:45 மணிக்கு திருக்கல்யாண வைபவம், மாங்கல்யதாரணம், மாலை மாற்றுதல், தாரைவார்த்தல் மற்றும் தேங்காய் உருட்டும் நிகழ்வு நடக்கிறது. காலை, 11:45 மணிக்கு, ஊஞ்சல் சேவை, உற்சவர்கள் திருவீதி உலா, சாற்று முறை, மகா தீபாராதனை மற்றும் பிரசாதம் வழங்கும் நிகழ்வு நடக்கிறது. தொடர்ந்து, பக்தர்களுக்கு அன்னதானம் வழங்கப்படுகிறது.