அன்னுார்; கணேசபுரம், புற்றுக்கண் மாரியம்மன் கோவில் திருவிழாவில், திருக்கல்யாண உற்சவம் நடந்தது. கணேசபுரம், புற்றுக்கண் மாரியம்மன் கோவிலில், 30வது ஆண்டு திருக்கல்யாண உற்சவ திருவிழா கடந்த 4ம் தேதி துவங்கியது. நேற்று முன்தினம் காலை மாரியம்மனுக்கு திருக்கல்யாணம் நடந்தது. காலை 11:00 மணிக்கு, அலங்கார பூஜை நடந்தது. மதியம் அக்னி கரகம் எடுத்து வரப்பட்டது. மாலையில் பக்தர்கள் அலகு குத்தி கோவிலுக்கு வருதலும், மாவிளக்கு ஊர்வலமும் நடந்தது. திரளான பக்தர்கள் பங்கேற்றனர்.