லோக்சபா தொகுதிகளை பா.ஜ., அரசு மறுசீரமைப்பு செய்யப்போவது, தமிழக அரசுக்கு தெரிந்து விட்டது. இதனால் தமிழகம் மற்றும் தென் மாநிலங்கள் பாதிக்கப்படும் என்ற அச்சம் வந்து விட்டது. அதை தடுக்கத்தான் இந்த கூட்டம் நடக்கிறது.

- சரவணன் ஆட்டோ ஓட்டுனர்.

மறுசீரமைப்பு செய்தாலும், தொகுதி எண்ணிக்கையை மத்திய அரசு குறைக்க வாய்ப்பில்லை. குறைத்தால் மக்கள் மத்தியில் எதிர்ப்பு வரும்.

- கவின்ராஜ் கல்லுாரி மாணவர்

இந்த கூட்டம் இப்போது தேவையில்லை. எம்.பி., எண்ணிக்கை குறைய வாய்ப்பு இல்லை. எண்ணிக்கையை அதிகரிப்பதுதான் நல்லது.

- கவுசல்யா தனியார் நிறுவன ஊழியர்

எனக்கு அரசியல் பற்றி அதிகம் தெரியாது. ஆனால் மக்கள் தொகை அடிப்படையில், எம்.பி., தொகுதி எண்ணிக்கையை குறைக்கக் கூடாது. மக்கள் அதிகம் உள்ள மாநிலங்களில், எண்ணிக்கையை அதிகரிக்கலாம்.

- ஜீவிதா தனியார் நிறுவன ஊழியர்

இத்தனை எம்.பி.,க்கள் இருந்து என்ன பிரயோஜனம். மக்களுக்கு ஒன்றும் செய்வதில்லை. அதிகமாகி என்ன ஆகப்போகிறது. இருக்கும் தொகுதி அப்படியே இருந்தால் போதும்.

-ராதா இல்லத்தரசி

சட்டசபை தேர்தல் வர இருப்பதால், எதிர்க்கட்சிகள் இந்த பிரச்னையை பேசுகின்றனர். மறுசீரமைப்பு அறிவிப்பு வரும் முன் இந்த கூட்டம் தேவையில்லை. வந்தாலும் தொகுதி எண்ணிக்கை குறையாது.

- சண்முகம் துணி வியாபாரி

தொகுதி மறுசீராய்வு பற்றி, மத்திய அரசு எதுவும் சொல்லாத போது, இந்த கூட்டம் இப்போது தேவை இல்லை. நேர விரயம்தான். தொகுதி எண்ணிக்கையை மத்திய அரசு குறைக்காது.

-சந்துரு கல்லுாரி மாணவர்

தொகுதி மறுசீரமைப்பு பற்றி மத்திய அரசு எந்த அறிவிப்பு செய்யவில்லை. ஆனால் சட்டசபை தேர்தலுக்கு பிறகு வர வாய்ப்புள்ளது. இப்போது கூட்டம் நடத்துவதால் எந்த பயனுமில்லை.

- விஷ்வலிங்கம் சுயதொழில்

தமிழகத்தில் மக்கள் தொகை அதிகரிக்கவில்லை. தொகுதி வரையறை செய்தால் மக்கள் தொகை அடிப்படையில், எம்.பி., தொகுதி எண்ணிக்கை நிச்சயம் குறையும்.

- ஹரி கல்லுாரி மாணவர்