கோவை மாவட்ட கிரிக்கெட் சங்கத்தின், மாவட்ட கிரிக்கெட் லீக் போட்டிகள் பல்வேறு மைதானங்களில் நடந்தன.

* சக்தி கல்லுாரியில் நடந்த, 'யூனிவர்சல் ஹீட் எக்ஸ்சேஞ்ச்' கோப்பைக்கான இரண்டாம் டிவிஷன் லீக் போட்டியில், ரெட் டைமண்ட்ஸ் அணி (46.2 ஓவர்களில் 118/10. நிவாஸ் அலி கான் 35 ரன்; சக்தி கல்லுாரி செஜின் நான்கு விக்கெட்) சக்தி கல்லுாரி அணியிடம் (28.5 ஓவர்களில் 119/4. தீன தயாளராஜா 64 ரன்; ரெட் டைமண்ட்ஸ் அணியின் சம்ரித் மூன்று விக்கெட்) வீழ்ந்தது.

* சி.ஐ.டி., கல்லுாரியில் நடந்த என் தாமோதரன் வெல்பேர் கோப்பைக்கான போட்டியில், ரெயின்போ கே.எம்.பி., அணி (38.3 ஓவர்களில் 173/10. பிரித்விராஜ் 51* ரன், முகேஷ் 36ரன்; ஜாலி ரோவர்ஸ் அணியின் திருமுருகன் 4 விக்கெட்) ஜாலி ரோவர்ஸ் ஸ்போர்ட்ஸ் கிளப் (44 ஓவர்களில் 174/4. காட்வின் ரூபேஷ் 76* ரன், பிரியதர்சன் 64* ரன்) அணியிடம் தோல்வியடைந்தது.

* பி.எஸ்.ஜி., மருத்துவ கல்லுாரி 'சி' மைதானத்தில் நடந்த 'எல்ஜி எக்யூப்மென்ட்ஸ்' கோப்பைக்கான நான்காம் டிவிஷன் போட்டியில், சூர்யபாலா கிரிக்கெட்டர்ஸ் அணி, (49.2 ஓவர்களில் 183/10. விக்னேஸ்வர் 78 ரன், செந்தில் குமார் 32 ரன்; கோயம்புத்துார் பிரண்ட்ஸ் அணியின் தனசேகர் 4 விக்கெட், சபரி குமார் 3 விக்கெட்) கோயம்புத்துார் பிரண்ட்ஸ் எப்.சி., (48.3 ஓவர்களில் 184/5. கார்த்திக் குமார் 55* ரன், ரிதீஸ்வர் 33 ரன், உபேந்திரா 34* ரன்) அணியிடம் தோல்வியடைந்தது.