நிகழ்ச்சியில், கலெக்டர் பவன்குமார் பேசியதாவது:

மகளிர் குழுவினரின் உற்பத்தி பொருட்கள் சந்தைப்படுத்த வழிவகை செய்யப்பட்டுள்ளது. 49 விற்பனையாளர்களுடன் புரிந்துணர்வு ஒப்பந்தங்கள் செய்யப்பட்டுள்ளன. இன்றைய கால கட்டத்தில் பெரும்பாலான பொருட்களை, 'ஆன்லைனில்' மக்கள் வாங்குகிறார்கள். தரம், பேக்கிங் நன்றாக இருந்தால், இணைய வழியில் சந்தைப்படுத்துவது எளிதாக இருக்கும். உற்பத்தி பொருட்களை அடுத்த கட்டத்துக்கு எடுத்துச் செல்ல வேண்டும்.

இவ்வாறு, கலெக்டர் பேசினார்.

நிகழ்ச்சியில், தமிழ்நாடு மாநில ஊரக வாழ்வாதார இயக்க திட்ட இயக்குனர் மதுரா, உதவி திட்ட அலுவலர் கிருஷ்ணகுமார், தமிழ்நாடு வணிகர் சங்கங்களின் பேரவை கோவை மாவட்ட செயலாளர் செந்தில்குமார் மற்றும் சுய உதவி குழு உறுப்பினர்கள் பங்கேற்றனர்.