பொள்ளாச்சியை சேர்ந்த, 80 வயது மூதாட்டி ஒருவர், அங்குள்ள ஹோட்டல்கள், டீக்கடைகளில் கிடைக்கும் உணவை வாங்கி சாப்பிட்டு, சாலையோரத்தில் தங்கி வந்தார்.

இந்நிலையில், ரயில்வே தண்டவாளம் அருகே இருந்த காலி இடத்தில் மூதாட்டி துாங்கி கொண்டிருந்த போது, அங்கு குடி போதையில் வந்த நபர், மூதாட்டியை மிரட்டி பாலியல் பலாத்காரம் செய்து தப்பினார்.

அங்கிருந்து, மீண்டு வந்த மூதாட்டி, டீக்கடைக்காரர்களிடம் நடந்தது பற்றி கூறியுள்ளார். இதுகுறித்த தகவலின்படி, மேற்கு போலீசார், மூதாட்டியிடம் விசாரித்தனர்.

அதில், மூதாட்டியை பலாத்காரம் செய்தது, பொள்ளாச்சியை சேர்ந்த குமார், 54, என்பது தெரிந்தது. போலீசார், அவரை கைது செய்து, கோவை மத்திய சிறையில் அடைத்தனர்.