அதனால், விடுதி கட்டுமான பணியின் தற்போதைய நிலை மற்றும் அம்ருத் திட்டத்தில், எல்.ஐ.சி., காலனியில் மேல்நிலைத்தொட்டி கட்டப்பட்டு, பில்லுார் மூன்றாவது திட்டத்தில் குடிநீர் வழங்குவது தொடர்பாக, கலெக்டர் கிராந்திகுமார் மற்றும் மாநகராட்சி கமிஷனர் சிவகுரு பிரபாகரன் ஆகியோர் நேற்று ஆய்வு செய்தனர்.

தெற்கு மண்டல உதவி நிர்வாக பொறியாளர் கனகராஜ், உதவி பொறியாளர்கள் சபரி, ஜெகதீஸ்வரி, சுகாதார அலுவலர் ஆண்டியப்பன் உள்ளிட்டோர், மாநகராட்சி சார்பில் செய்துள்ள பணிகளை விளக்கினர்.

அதன்பின், 95வது வார்டு போத்தனுார் உமர் நகரில் ரோட்டில் தேங்கும் மழை நீரை வெளியேற்ற, சாலையின் குறுக்காக குழாய் பதித்து ராஜவாய்க்காலில் சேர்க்க திட்டமிடப்பட்டுள்ளது. இப்பணிகளையும் கலெக்டரும், மாநகராட்சி கமிஷனரும் ஆய்வு செய்தனர்.