பெட்டிக்கடைக்காரரை மிரட்டி சிகரெட் கேட்டார். இதை பார்த்த போலீஸ்காரர் அசோக்குமார், மதுபோதையில் இருந்த நபரை, அங்கிருந்து செல்லுமாறு கூறினார். ஆத்திரமடைந்த அந்த நபர், போலீஸ்காரரை தகாத வார்த்தைகளால் திட்டி, தாக்கினார். அங்கிருந்த பொதுமக்கள், போதை ஆசாமியை சுற்றி வளைத்து பிடித்தனர்.

இதையடுத்து அசோக்குமார், சக போலீஸ்காரர்கள் உதவியுடன் அந்த நபரை, போலீஸ் ஸ்டேஷனுக்கு அழைத்துச் சென்றார். விசாரித்ததில் அந்த நபர் ராமநாதபுரம், சவுரிபாளையம் பிரிவு, திருவள்ளுவர் நகரை சேர்ந்த சந்தோஷ்குமார், 34 என்பது தெரிந்தது.

போலீஸ்காரர் அசோக்குமார் புகாரின் படி, ரேஸ்கோர்ஸ் போலீசார் வழக்கு பதிந்து சந்தோஷ் குமாரை கைது செய்து, சிறையில் அடைத்தனர்.