கடலுார் லோக்சபா தொகுதிக்கு செலவின பார்வையாளர்களாக இந்திய வருவாய் பணியை சேர்ந்த டபாஸ் லோத் (94899 62643), திட்டக்குடி, விருத்தாசலம், நெய்வேலி ஆகிய 3 சட்டசபை தொகுதிக்கும். பிரமானந்த் பிரசாத் (94899 62644) பண்ருட்டி, குறிஞ்சிப்பாடி, கடலுார் சட்டசபை தொகுதிகளுக்கும், ஏற்கனவே, நியமிக்கப்பட்டு, பணியை மேற்கொண்டு வருகின்றனர்.

இந்நிலையில், கடலுார் லோக்சபா தொகுதி தேர்தல் பொதுபார்வையாளராக டாரப் இம்சென் (94899 62645), போலீஸ் பிரிவு பார்வையாளராக மனிஷ் அகர்வால் (94899 62646) நியமிக்கப்பட்டுள்ளனர். இவர்கள் நேற்று கடலுார் தொகுதி தேர்தல் அதிகாரியான கலெக்டர் அருண்தம்புராஜை சந்தித்து, தொகுதி நிலவரம் குறித்து கேட்டறிந்து பணிகளை துவக்கினர். பொதுமக்கள் தேர்தல் பிரச்னைகள் குறித்து, அவர்களின் மொபைல் எண்களில் புகார் தெரிவிக்கலாம் என, தெரிவிக்கப்பட்டுள்ளது.