பண்ருட்டி அடுத்த திருவதிகை வீரட்டானேஸ்வரர் கோவிலில், வைகாசி பிரம்மோற்சவம் கடந்த 14ம் தேதி துவங்கியது. அன்று முதல் தினமும் காலை, மாலையில் பஞ்சமூர்த்திகள் புறப்பாடு நடந்து வருகிறது. நேற்று இரவு 7:00 மணிக்கு குதிரை வாகனத்தில் பஞ்சமூர்த்திகள் புறப்பாடு நடந்தது.

இன்று (21ம் தேதி) தேரோட்டம் நடக்கிறது. அதையொட்டி, அதிகாலை 4:30 மணிக்கு மூலவர் வீரட்டானேஸ்வரர் அம்பாள் பெரியநாயகி, உற்சவர் திரிபுர சம்ஹாரமூர்த்தி சாமிக்கு சிறப்பு அபிேஷக ஆராதனைகள் நடக்கிறது.

காலை 6:30 மணிக்கு உற்சவர் திரிபுரி சம்ஹாரமூர்த்தி, தேரில் எழுந்தருள, பக்தர்கள் வடம் பிடிக்கின்றனர். கோவில் பிரதான வீதிகளில் தேரோட்டம் நடக்கிறது. இரவு 7:00 மணிக்கு ஐதீக முறைப்படி தாரகாட்சகன், கமலாட்சன், வித்துன்மாலி ஆகிய 3 அசுரர்களை சிரிப்பால், சாமி முப்புரமெரித்த காட்சி நடக்கிறது.