தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/உள்ளூர் செய்திகள்/கடலூர்/ வாலிபர் கொலை வழக்கில் டிரைவர் கைது

வாலிபர் கொலை வழக்கில் டிரைவர் கைது

வாலிபர் கொலை வழக்கில் டிரைவர் கைது


ADDED : ஜூலை 17, 2026 07:01 PM

Follow on GoogleFavourite on Google

ADDED : ஜூலை 17, 2026 07:01 PM


Follow on Google
அ நிறம் | அளவு

புதுச்சத்திரம்: சிதம்பரம் அருகே வாலிபர் குத்தி கொலை செய்யப்பட்ட வழக்கில், டிரைவரை போலீசார் கைது செய்தனர்.

கடலுார் மாவட்டம் சிதம்பரம் அடுத்த வாண்டையாம்பள்ளத்தை சேர்ந்தவர் கண்ணன் மகன் கவியரசன், 32; டிப்ளமோ படித்து முடித்து, வெளிநாட்டில் வேலை செய்து வந்தவர், அங்கிருந்து திரும்பி வந்து, கடந்த சில ஆண்டுகளாக சொந்த ஊரில் விவசாயம் செய்து வந்தார்.

இந்நிலையில் நேற்று முன்தினம் இரவு 7:35 மணிக்கு ஸ்கூட்டியில், பெரியப்பட்டிலிருந்து காய்கறி வாங்கிக்கொண்டு, வாண்டையாம்பள்ளம் சென்றபோது ஆண்டார்முள்ளிப்பள்ளம் அருகே, பைக்கில் வந்த நபர் அவரை வழிமறித்து கத்தியால் குத்தி தப்பி சென்றார்.

இதில் படுகாயமடைந்த கவியரசன், சம்பவ இடத்திலேயே இறந்தார். அங்கு விரைந்த போலீசார், கொலையாளி விட்டு சென்ற பைக், மொபைல் போனை கைப்பற்றி விசாரணை செய்தனர்.

அந்த பைக், மொபைல் போன் இரண்டும் வாண்டியாம்பள்ளத்தை சேர்ந்த கிருஷ்ணமூர்த்தி மகன் மணிகண்டனுடையது என்பது தெரிந்தது.

இதுகுறித்து புதுசத்திரம் போலீசார் வழக்குப்பதிந்து, கொலையாளியை தேடிவந்தனர். இந்நிலையில், கொத்தட்டை டோல்கேட் அருகே, பதுங்கியிருந்த மணிகண்டனை போலீசார் நேற்று மடக்கி பிடித்தனர்.

கொலைக்கான காரணம் குறித்து போலீசார் விசாரித்தபோது, மணிகண்டன் மனைவிக்கும், கவியரசனுக்கும் தொடர்பு இருந்ததாகவும், இதனால் ஆத்திரமடைந்த மணிகண்டன், கவியரசனை கத்தியால் குத்தி கொலை செய்ததாக தெரிவித்துள்ளார்.

அதனைத்தொடர்ந்து புதுச்சத்திரம் போலீசார் மணிகண்டனை, 36; கைது செய்து, கடலூர் கோர்ட்டில் ஆஜர் செய்தனர்.

சிங்கப்பூரில் வாங்கிய கத்தி

கொலை செய்த மணிகண்டன் சிங்கப்பூரில், டிரைவராக வேலை செய்கிறார். நேற்று முன்தினம் தான் அவர் அங்கிருந்து ஊருக்கு வந்துள்ளார். கொலை செய்வதற்காகவே சிங்கப்பூரிலிருந்து வந்ததாகவும், அதற்காக கத்தியை, சிங்கப்பூரிலிருந்தே வாங்கி வந்ததும், போலீஸ் விசாரணையில் தெரிய வந்திருக்கிறது.



தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us