கடலுார், செல்லங்குப்பத்தைச் சேர்ந்தவர் ராமு, 43; இவர், நேற்று முன்தினம், குடும்பத்துடன் அய்யம்பேட்டையில் உள்ள குலதெய்வ கோவிலுக்கு சென்றார்.

நேற்று காலை திரும்பி வந்தபோது, வீட்டு கதவின் பூட்டு உடைக்கப்பட்டிருப்பதை கண்டு அதிர்ச்சியடைந்தார்.

உள்ளே சென்று பார்த்த போது, பீரோ உடைக்கப்பட்டு 3 சவரன் நகை, 1 லட்சத்து 30 ஆயிரம் ரூபாயை மர்ம நபர்கள் திருடிச் சென்றது தெரிந்தது.

மாடியில் உள்ள மாமியார் வீட்டிலும் பீரோ உடைக்கப்பட்டு 3 சவரன் நகை மற்றும் 40 ஆயிரம் ரூபாயை மர்ம நபர்கள் திருடிச் சென்றனர்.

திருடுபோன நகைகள் மதிப்பு 3 லட்சம் ரூபாய் ஆகும். புகாரின்பேரில் கடலுார் முதுநகர் போலீசார் வழக்குப் பதிந்து மர்ம நபர்களை தேடி வருகின்றனர்.