பண்ருட்டி அருகே நடுவீரப்பட்டில் அரசு பிற்படுத்தப்பட்டோர் மாணவர் விடுதி உள்ளது. நடுவீரப்பட்டு அரசு மேல்நிலைப் பள்ளி மாணவர்கள் தங்கி படித்து வருகின்றனர். இந்த விடுதிக்கு செல்லும் வழி,கடந்த சில மாதங்களுக்கு முன் பெய்த கனமழையில் மண் அரிப்பு ஏற்பட்டு பள்ளமாகியது. இதனால் மாணவர்கள் விடுதிக்கு செல்ல பள்ளத்தில் இறங்கி செல்ல வேண்டிய நிலை உள்ளது. சிமெண்ட் காரைகள் பெயர்ந்து மாணவர்கள் காலில் காயங்கள் ஏற்பட்டுள்ளது. அதேபோன்று, விடுதியும் முறையாக பராமரிக்கப்படாமல் வீணாகி வருகிறது. இதனால் மாணவர்கள் மற்றும் விடுதி பணியாளர்கள் அவதியடைந்து வருகின்றனர். எனவே, மாவட்ட நிர்வாகம் உடனடி நடவடிக்கை எடுத்து விடுதியை முறையாக பராமரிக்க நடவடிக்கை எடுக்க வேண்டும்.