புவனகிரி பகுதியில் ஆன்லைன் மூலம் லாட்டரி விற்பனை செய்யப்படுவதாக போலீசாருக்கு தகவல் கிடைத்தது. அதன் பேரில் புவனகிரி போலீசார் மூன்று பேரை பிடித்து விசாரணை செய்தனர்.

இதில் புவனகிரி வடக்குத்திட்டை தெற்குத்தெரு மணிகண்டன்,46; சேத்தியாத்தோப்பு அடுத்த ஓடாக்க நல்லுார் மேலத்தெரு செல்வம்,51; மற்றும் மேல்புவனகிரி வாய்க்காங்கரைதெரு பார்த்திபன்,31; ஆகியோர் ஆன்லைன் மூலம் லாட்டரி சீட்டு விற்பனை செய்தது தெரியவந்தது.

மூன்று பேரையும் கைது செய்த போலீசார் அவர்கள் பயன்படுத்திய உபகரணங்களை பறிமுதல் செய்தனர்.