வார விடுமுறைதினமாக நேற்று சென்னையில் இருந்து தென்மாவட்டங்களுக்கு செல்லும் திருச்சி தேசிய நெடுஞ்சாலையில் வாகனப் போக்குவரத்து அதிகமாக இருந்தது.

விக்கிரவாண்டி டோல் பிளாசாவில் வாகனங்கள் அணிவகுக்க துவங்கியது. அதனையொட்டி, கூடுதலாக 2 பாதைகள் திறக்கப்பட்டதை தொடர்ந்து வாகனங்கள் டோல்பிளாசாவை எளிதாக கடந்து சென்றன. போக்குவரத்து சப்-இன்ஸ்பெக்டர் துரைராஜ் தலைமையிலான போலீசார் மற்றும் டோல் பிளாசா ஊழியர்கள் வாகனங்களின் போக்குவரத்தை சரி செய்து அனுப்பி வைத்தனர்.

வார நாட்களில் சராசரியாக நாள் ஒன்று 25 ஆயிரம் வாகனங்கள் டோல்பிளாசாவை கடந்து செல்லும். நேற்று விடுமுறை தினம் என்பதால், இரவு 8 மணிவரை 35 ஆயிரம் வாகனங்கள் கடந்து சென்றன.