விருத்தாசலம் நாச்சியார்பேட்டை இளங்கோவன் மகன் சத்யகுமார், 21; கஞ்சா வைத்திருந்த வழக்கில் கைதான, இவர், ஜாமினில் வந்தார். பள்ளிப்பட்டு உறவினர் வீட்டில் இருந்த இவரை பார்க்க, நண்பரான எம்.பரூர் விஜயகுமார் மகன் கபிலன், 21; என்பவர் நேற்று சென்றிருந்தார்.

இவர்களிடம் கஞ்சா இருப்பதாக போலீசாருக்கு தகவல் கிடைத்தது. மங்கலம்பேட்டை போலீசார் இருவரை மடக்கிப் பிடித்து விசாரித்தனர். அதில், 100 கிராம் கஞ்சா பதுக்கி வைத்திருந்த சத்ய குமார், கபிலனை போலீசார் கைது செய்தனர்.