கடலுார் மதுவிலக்கு பிரிவு இன்ஸ்பெக்டர் பாலாஜி மற்றும் போலீசார் நேற்று முன்தினம் கடலுார் கே.என்.பேட்டை பைபாஸ் சாலையில் வாகன தணிக்கையில் ஈடுபட்டனர்.

அப்போது, அவ்வழியே பைக்கில் வந்த பெரிய காரைக்காட்டை சேர்ந்த மணிமாறன், 29; என்ற வாலிபரை நிறுத்தி சோதனை செய்ததில், புதுச்சேரியிலிருந்து மதுபாட்டில்கள் கடத்தி வந்தது தெரியவந்தது.

அவரிடமிருந்து 52 மதுபாட்டில்களை போலீசார் பறிமுதல் செய்தனர். அதேபோல் மேல்புவனகிரியை சேர்ந்த இறையன்பு, 24; கீழ்புவனகிரியை சேர்ந்த நேதாஜி, 24; ஆகியோர் புதுச்சேரியிலிருந்து மதுபாட்டில்கள் கடத்தி வந்ததைக் கண்டறிந்து, அவர்களிடமிருந்து 34 மதுபாட்டில்களை பறிமுதல் செய்தனர்.

மூன்று பேர் மீதும், கடலுார் மதுவிலக்கு போலீசார் வழக்குப்பதிந்து கைது செய்து விசாரிக்கின்றனர்.