பேட்டி: 1 அடிப்படை கல்வியில் சிறந்து விளங்குவது நோக்கம் நான் இப்பள்ளியில் தலைமை ஆசிரியராக பொறுப்பேற்றேன். கிராமப்புற மாணவர்கள் நகர பகுதிகளுக்கு செல்லக்கூடாது என்ற நோக்கத்தில் கற்றல் திறனை அதிகரித்து, மாணவர்கள் அடிப்படை கல்வியில் சிறந்து விளங்கவேண்டும் என்ற நோக்கத்தில் இருந்து வருகிறோம். கிராமப்புற மாணவர்களை கல்வியில் சாதனை படைக்க வைப்பதே ஆசிரியர்களாகிய எங்களது லட்சியம். -செல்வராஜ், தலைமை ஆசிரியர்

பேட்டி: 2 மாணவர்கள் சேர்க்கைக்கு விழிப்புணர்வு இப்பள்ளியில் தற்போது, 100க்கும் மேற்பட்ட மாணவர்கள் படிக்கின்றனர். மாணவர் சேர்க்கைக்கு பெற்றோரிடம், விழிப்புணர்வு ஏற்படுத்தி வருவதுடன், சங்கம் சார்பில் பல்வேறு நலத்திட்டங்களை செய்து வருகிறோம். விரைவில் இப்பள்ளி, நுாற்றாண்டை தொட உள்ளது. இப்பள்ளிக்கு உள்ளூர், வெளியூர்களில் இருந்து மாணவர்கள் வந்து படிக்கின்றனர். -வசந்தராஜ், பெண்ணாடம் லயனஸ் கிளப் தலைவர்

பேட்டி: 3 கல்வியில் சிறந்து விளங்க வைப்பதே லட்சியம் இப்பள்ளி உதவி பெறும் நடுநிலைப்பள்ளியாக இருந்தாலும் இப்பகுதி மக்கள் தங்களின் குழந்தைகளை இப்பள்ளியில் சேர்க்க பெற்றோர் விரும்புகின்றனர். மாணவர்கள் கல்வியில் சிறந்து விளங்க ஆசிரியர்கள் லட்சியமாக இருந்து வருகின்றனர். இப்பள்ளிக்கு, எங்கள் கிராம மக்களே ஒருங்கிணைந்து மாணவர் சேர்க்கை ஒவ்வொரு ஆண்டும் அதிகரித்து வருகிறோம். வினோத்குமார், பா.ம.க., மாவட்ட துணை செயலாளர்,