புவனகிரி ஐயப்பா சேவா சங்கம் சார்பில் புவனகிரி ஐயப்பன் கோவில் வளாகத்தில் நேற்று முன்தினம் மாலை, விளக்கு பூஜையுடன் விழா துவங்கியது.

நேற்று காலை.9.00 மணிக்கு கணபதி ஹோமத்துடன் பூஜைகள் துவங்கியது. காலை 9.30 மணிக்கு ஐயப்ப சுவாமிக்கு சிறப்பு அபிஷேகமும், காலை 10.00 மணிக்கு லட்சார்ச்சனையுடன் கன்னி பூஜை வெகு விமர்சியாக நடந்தது. பஜனை பாடல்களுக்குப்பின் பகல் 12.00 மணிக்கு மகா தீபாராதனை நடந்தது.

இதில் நூற்றுக்கும் மேற்பட்ட ஐயப்ப பக்தர்கள் குடும்பத்துடன் பங்கேற்று தரிசனம் செய்தனர். தொடர்ந்து அன்னதானம் வழங்கினர். ஏற்பாடுகளை விழா குழுவினர்கள் செய்திருந்தனர்.