ADDED : அக் 25, 2026 10:08 PM
அ நிறம் | அளவு
குறிஞ்சிப்பாடி: தனியார் நிறுவன ஊழியரிடம் பைக் திருடியவரை போலீசார் கைது செய்தனர்.
குறிஞ்சிப்பாடி, ராஜீவ் காந்தி நகரை சேர்ந்தவர் தட்சிணாமூர்த்தி மகன் தினேஷ், 28; தனியார் நிறுவன ஊழியர்.
கடந்த 23ம் தேதி, குறிஞ்சிப்பாடி சுப்பிரமணி செட்டி தெருவில், இவரது பைக் மாயமானது. இது குறித்து தினேஷ் குறிஞ்சிப்பாடி போலீசில் புகார் அளித்தார்.
போலீசார் குறிஞ்சிப்பாடி தேரடி அருகே இன்று (அக்.,25) காலை வாகன தணிக்கையில் ஈடுபட்டனர். அப்போது அந்த வழியாக சென்ற கொத்தவாச்சேரி, புது காலனியை சேர்ந்த மாரிமுத்து மகன் ஸ்ரீகாந்த், 25; என்பவரை சோதனை செய்தனர். அதில் அவர், தினேஷின் பைக்கை திருடியது தெரிய வந்தது. ஸ்ரீகாந்த் மீது வழக்குப்பதிந்த போலீசார், அவரை கைது செய்து, பைக்கை பறிமுதல் செய்தனர்.
