அந்த வேன், தஞ்சாவூர் மாவட்டம் திருப்பனந்தாள் பை-பாஸ் சாலையில் இருந்து, பட்டம் பாலம் என்ற பகுதியில், அணுகு சாலையில் வந்து கொண்டிருந்த போது, பக்கவாட்டில் வேகமாக வந்த லாரி மோதியதில், வேன் சாலையில் கவிழ்ந்தது. விபத்தில், பார்த்தசாரதி - சங்கீதா தம்பதியின் மகனான லிங்கேஸ்வரன், 5, சம்பவ இடத்திலேயே இறந்தார்.

மேலும், வேனில் பயணம் செய்த இருவருக்கு கால் முறிவு ஏற்பட்டது; 17 பேர் படுகாயமடைந்தனர். அவர்களை அக்கம் பக்கத்தினர் மீட்டு, கும்பகோணம் அரசு மருத்துவமனைக்கு அனுப்பினர்.

இது குறித்து திருப்பனந்தாள் போலீசார் வழக்கு பதிவு செய்து, லாரி டிரைவரான அபுபக்கரிடம் விசாரணை நடத்தி வருகின்றனர்.