கடலுார் தெற்கு மாவட்ட செயலாளர் சொரத்துார் ராஜேந்திரன் தலைமை தாங்கினார். மாநில அம்மா பேரவை துணை செயலாளர்கள் சிவசுப்பிரமணியன், பக்த ரட்சகன், அம்மா பேரவை செயலாளர் ராஜசேகர், தகவல் தொழில்நுட்ப பிரிவு இணை செயலாளர் ராதாகிருஷ்ணன் ஆகியோர் முன்னிலை வகித்தனர். ஆனந்தபாஸ்கர் வரவேற்றார். அமைப்பு செயலாளர்கள் கோபால், ராஜமாணிக்கம், மாலதி, ஜெயசூர்யா வினோத், ஆகியோர் பேசினர்.

இதில், தெற்கு மாவட்ட செயலாளர் சொரத்துார் ராஜேந்திரன் பேசியதாவது:

தேர்தலுக்கு இன்னும் நான்கு மாதங்கள் தான் உள்ளது. மக்கள் ஆட்சி மாற்றம் வேண்டும் என விரும்புகின்றனர். குறிஞ்சிப்பாடி, நெய்வேலி தொகுதிகளில் மாபெரும் வெற்றி பெறச்செய்து, கடலுார் தெற்கு மாவட்டம் கோட்டை என நிரூபிக்க வேண்டும். தமிழகத்தில் வரும், 2026 சட்டசபை தேர்தலில் பழனிசாமி தலைமையில் ஆட்சி மலரும்.

இவ்வாறு அவர் பேசினார்.