குடிபோதையில் நடந்து சென்றவர், கழிவுநீர் கால்வாயில் தவறி விழுந்து இறந்தார்.

விருத்தாசலம் வீரபாண்டியன் தெருவைச் சேர்ந்தவர் கார்த்தி,40; இவர் நேற்று முன்தினம் குடிபோதையில், விருத்தாசலம் பஸ் நிலையத்தில் இருந்து, வீட்டிற்கு நடந்து சென்றுள்ளார்.

அப்போது, பி.வி.ஜி., தியேட்டர் அருகே உள்ள கழிவுநீர் கால்வாயில், நிலைதடுமாறி தலைகுப்புற கீழே விழுந்து இறந்தார்.

இதுகுறித்து விருத்தாசலம் போலீசார் வழக்குப் பதிந்து விசாரித்து வருகின்றனர்.