விருத்தாசலம் கொளஞ்சியப்பர் அரசு கலை கல்லுாரியில் 2000க்கும் மேற்பட்ட மாணவர்கள் படித்து வருகின்றனர்.

கல்லுாரி வளாகத்தில் சுத்திகரிக்கப்பட்ட குடிநீர் வசதி ஏற்படுத்தி தர வேண்டும். மாணவர்கள் பயன்படுத்தும் கழிவறைகளை சுத்தம் செய்து பராமரிக்க வேண்டும் என மாணவர்கள் கடந்த 2 மாதங்களுக்கு முன், கல்லுாரி முதல்வரிடம் கோரிக்கை மனு அளித்திருந்தனர். ஆனால், இதுவரை எவ்வித நடவடிக்கையும் இல்லை.

இதில், ஆத்தரிமடைந்த கல்லு ாரி மாணவர்கள் நேற்று காலை 10:30 மணியளவில், குடிநீர், கழிவறை உள்ளிட்ட அடிப்படை வசதிகளை செய்து தரக்கோரி உள்ளிருப்பு போராட்டத்தில் ஈடுபட்டனர்.

கல்லுாரி முதல்வர் முனியன், இரண்டு நாட்களில் உரிய நடவடிக்கை எடுப்பதாக உறுதியளித்தார். அதன்பேரில், மாணவர்கள் அ னைவரும் காலை 10:45 மணிக்கு கலைந்து சென்றனர்.