மகள் மாயம்; தாய் புகார் நடுவீரப்பட்டு அடுத்த பத்திரக்கோட்டை அம்மன் கோவில் தெருவைச் சேர்ந்தவர் வேல்முருகன். இவரது மகள் சுஷ்மிதா, 20; செவிலியர் பயிற்சிக்கு படித்து வருகிறார். இவரை நேற்று முன்தினம் நள்ளிரவு முதல் காணவி ல்லை. பல இடங்களில் தேடியும் கிடைக்கவில்லை. அவரது தாய் அளித்த புகாரின் பேரில், நடுவீரப்பட்டு போலீசார் விசாரித்து வருகின்றனர்.

மாமனை தாக்கியவர் கைது விருத்தாசலம் அடுத்த க.புத்துார் கிராமத்தைச் சேர்ந்தவர் புகழேந்தி, 34; இவரது மனைவி ராதிகா, 28; இவர்களுக்கிடையே அடிக்கடி குடும்பத் தகராறு ஏற்பட்டது. இதில், மனமுடைந்த ராதிகா, பூச்சி மருத்து குடித்து தற்கொலைக்கு முயன்று, சிகிச்சை பெற்று வீடு திரும்பினார். இதில், ஆத்திரமடைந்த ராதிகாவின் தம்பி விக்னேஷ் நேற்று முன்தினம் புகழேந்தியை தாக்கி, கொலை மிரட்டல் விடுத்தார். புகாரின் பேரில், விக்னேஷ் மீது கம்மாபுரம் போலீசார் வழக்குப் பதிந்து விசாரித்து வருகின்றனர்.

முதியவர் சாவு: போலீஸ் விசாரணை விருத்தாசலம், முல்லை நகரைச் சேர்ந்தவர் மூர்த்தி, 60 ; இவரது மனைவி இறந்த நிலையில் தனியாக வசித்து வந்தார். மகள்கள் 2 பேரும் வெளிநாட்டில் உள்ளனர். நேற்று முன்தினம் வெகுநேரமாகியும் அவர் வெளியே வரவில்லை. சந்தேகமடைந்த அவரது அண்ணன் மணிவண்ணன், மூர்த்தியின் அறைக்கு சென்று பார்த்தபோது, மூர்த்தி இறந்து கிடந்தார். வி ருத்தாசலம் போலீசார் சடலத்தை கைப்பற்றி, வழக்குப் பதிந்து விசாரித்து வருகின்றனர்.